شعاع أمل ضعيف هزيل مرضان
إرتاح على شيشى زمان
فتحتلو شباكى نفسى أدخلو
رفض الدخول
قاللى الأمل صعب المنال
جرب تنول
ماقدرش قلبى يصدقو
ماقدرش عقلى يبرؤا
قاللى
مريض خايف يقول
ماتشدى يللا همتك
زيحى الركود عن سكتك
وإبدأى تانى بأمل
وياريتنى ماكنت إبتديت
كان عقلى فين ساعة ماجيت
وقلت أبدأ من جديد
كنت أفتكر إن الأمل موجود أكيد
لكن إكتشفت إنو خيال
شعاع مريض وحالو مال
وبكره ح يموت قبلنا
يفنا يدوب من ظلمنا
إحنا البشر
اللى بدلنا قلبنا بصوان حجر
ودرنا وياه فى الرحايا
حروب تعدى وحرب جايا
وإحنا مايشبع عشقنا
دماء تسيل على أرضنا
تثكل ولايا
ياريتنى صدقت العليل
أبدأ بجد أوجد بديل
مخلوق جديد راح ينعمل
أنقش حروف إسمو أمل
وأبدأ معاه مشوارى أنا
مشوار جديد
ح أبدأ أكيد
نفسى أحقق حلمنا
وبكره نتقابل هنا
نحلم سوا
بشعاع أمل مكسور ومايل فى الهوا
الأربعاء مارس 25, 2009 4:36 pm